मुख्य सडक अवरुद्ध भएपछि यातायात मन्त्रालयमा आकस्मिक बैठक

काठमडौं, असोज ४ : देशका मुख्य सडक अवरुद्ध भएपछि यातायात मन्त्रालयमा आकस्मिक बैठक बसेको छ।

शुक्रबार रातिदेखि नारायणगढ–मुग्लिन सडक अवरुद्ध भएको छ। पहिरो खस्ने क्रम नरोकिएपछि सडक खुलाउन कठिनाइ भएको छ। 

बैठकमा सडक विभाग, गृह मन्त्रालय, यातायात व्यवसायी महासंघ र मजदुरहरूसँग यातायात मन्त्री कुलमान घिसिङले छलफल गरिरहेका छन्। सरोकारवालले बैठकमा सडकको अवस्थाबारे जानकारी गराएका छन्। 

यस्तै, कोशी राजमार्ग, अरनिको राजमार्गका पनि विभिन्न ठाउँमा पहिरोले सडक अवरुद्ध भएको छ।