दसैँसँगै सुरु भयो चंगाको मौसम [फोटो फिचर]

काठमाडौं, असोज ४ : नेपालीहरुको महान् चाड बडादसैँ नजिकिएसँगै बजारमा चंगाको व्यापार सुरु भएको छ।

द्यसैँसँग चंगाको सम्बन्ध गहिरो हुन्छ। खुल्ला आकाशमा रंगीबिरंगी चंगाहरु उड्न थालेपछि दसैँ नजिकिएको महसुस गर्न सकिन्छ। यस बर्ष तुलनात्मक रुपमा नेपाली बजारमा चंगाको व्यापार बढ्न थालेको छ।

दसैँको पूर्वसन्ध्यामा नै ललितपुरको पाटन, मंगलबजारलगायतका व्यापारिक केन्द्रहरुमा चंगा बेच्न भ्याइनभ्याइ छ।

विगतका वर्षहरुको तुलनामा यस वर्ष चंगाको व्यापार बढेको व्यवसायी बताउँछन्। बिहानदेखि साँझसम्म उपत्यकाका हरेक चंगा पसलमा ग्राहकको भीड लाग्न थालेको देखिन्छ। 

कोरोनाको समयमा चंगा व्यापार खस्केको भएपनि अहिले कोरोनापछि फेरी व्यापार फस्टाएको व्यापरीहरु बताउँछन्। चंगाको विषयमा अनविज्ञ रहेकाहरू पनि चंगा किन्न आउने गरेको भन्दै पछिल्लो समय चंगा उडाउन सिक्न चाहनेहरुको संख्यामा पनि वृद्धि भएको उनीहरू बताउँछन्।