सपथलगत्तै जेनजी आन्दोलनका घाइते भेट्न अस्पताल पुगे ऊर्जामन्त्री घिसिङ 

काठमाडौं, भदौ ३० : ऊर्जामन्त्री कुलमान घिसिङले सपथ ग्रहणपछि जेनजी आन्दोलनका क्रममा घाइते भएकाहरूलाई भेटेका छन्।

मन्त्री घिसिङले पदभार ग्रहण गर्नुअघि घाइते भेट्न टिचिङ अस्पताल पुगेका हुन्।

घिसिङलाई ऊर्जासहित, भौतिक पूर्वाधार र सहरी विकास मन्त्रालयको जिम्मेवारी दिइएको छ। उनी आइतबार राति मन्त्रीमा नियुक्त भएका थिए। 

घिसिङले राष्ट्रपतिसँग शीतलनिवासमा पद तथा गोपनियताको शपथ लिएपछि घाइते भेट्न अस्पताल पुगेका थिए।