जेनजीका मागमा सहमति जनाउँदै मुख्य राजनीतिक दलका युवा नेताका तीन निश्कर्ष  

काठमाडौं, २६ भदौ : मुख्य चार राजनीतिक दलका युवा नेताहरूले संयुक्त छलफलमार्फत  तीनवटा निश्कर्ष निकालेका छन्।

नेपाली कांग्रेसबाट गगन थापा, विश्वप्रकाश शर्मा र चन्द्र भण्डारी, नेकपा एमालेबाट योगेश भट्टराई, ठाकुर गैरे र विद्या भट्टराई, नेकपा माओवादी केन्द्रबाट माधव सापकोटा, राजन दाहाल र अमनलाल मोदी, रास्वपाको तर्फबाट सोबिता गौतम र शिशिर खनालबीच भएको भर्चुअल संवादका आधारमा निष्कर्ष सार्वजनिक भएको हो। 

छलफलका आधारमा दलहरूले आत्मसमीक्षा गर्नुपर्ने, जेनजीका माग सम्बोधन हुनुपर्ने र पश्चगमनमा फर्किन खोजे प्रतिवाद गर्नुपर्ने निश्कर्ष निकालिएको हो। यही सन्देश जनतामा प्रवाह गर्ने गरी राजनीतिक रूपमा गतिविधि अगाडि बढाउने समझदारी समेत बनेको छ। 

यसका साथै जेनजीले सुशासन र भ्रष्टाचार नियन्त्रण चाहेको सन्दर्भमा आवश्यक नीति र निर्णय हुनुपर्नेमा पनि उनीहरू सहमत देखिएक छन्। 

यसैबीच रास्वपा नेतृ सोविता गौतमले सामाजिक सञ्जालमार्फत आफु कुनै दलका नेतासँग संवादमा नभएको बताएकी छन्।