देशभर कर्फ्यू जारी

काठमाडौं, भदौ, २५ : देशभर कर्फ्यू आदेश जारी भएको छ। देशको समग्र शान्ति सुरक्षा अवस्थालाई मध्यनजर गरी नेपाली सेनाले देशभर कर्फ्यू आदेश जारी गरेको हो। 

आजका लागि साँझ ५ बजेसम्म कर्फ्यूको समय निर्धारण गरिएको छ। यस्तै, साँझ ५ बजेपछि भोलि बिहान ६ बजेसम्म कर्फ्यू आदेश जारी हुने सोले जनाएको छ। 

आन्दोलनको नाममा अझै पनि विभिन्न अराजक व्यक्ति र समुहहरुले घुसपैठ गरी व्यक्तिगत र सार्वजनिक सम्पत्ति तोडफोड तथा आगजनी, लुटपाट गरिरहेको सेनाले जनाएको छ।

व्यक्ति लक्षित हिंस्रक आक्रमण, बलात्कारका प्रयास जस्ता क्रियाकलापहरु गरिरहेको र गर्नसक्ने सम्भावना रहेको सेनाले जनाएको छ।