देउवाले बोलाए आकस्मिक पदाधिकारी बैठक

काठमाडौं, भदौ २३ : सत्तारुढ दल नेपाली कांग्रेसले पदाधिकारी बैठक बोलाएको छ। 

जेन जी पुस्ताको आन्दोलन उग्र भएपछि सभापति शेरबहादुर देउवाले आकस्मिक बैठक बोलाएका हुन्। बैठक  सभापति देउवा निवास बुढानीलकण्ठमा बस्नेछ।

बैठक साँझ ५ बजेका लागि बोलाइए पनि बालुवाटारमा सत्तारुढ दलको बैठक जारी रहेकाले कांग्रेसको बैठक केही ढिला सुरु हुनेछ।

आजै महामन्त्रीद्वय गगन थापा र विश्वप्रकाश शर्माले पार्टीका सभापति देउवालाई भेटेर सामाजिक सञ्जाल बन्द गर्ने सरकारको निर्णय र जेन जी पुस्ताको आन्दोलनबारे जानकारी गराएका थिए।