सुनको मूल्य तोलाकै दुई लाख नजिक 

काठमाडौं, साउन २३ : नेपाली बजारमा सुनको मूल्य २ लाख नजिक पुगेको छ। शुक्रबार प्रतितोला १ हजार रुपैयाँ बढेसँगै सुनको मूल्य २ लाख नजिक पुगेको हो।

नेपाल सुनचाँदी व्यवसायी महासंघका अनुसार बिहीबार तोलामा १ लाख ९८ हजार ४०० रुपैयाँ कायम भएकोमा आज बृद्धि भएर १ लाख ९९ हजार ४ सय कायम भएको हो। यो मूल्य हालसम्मकै उच्च हो।

यस्तै चाँदीको मूल्य पनि १० रुपैयाँले बढेको छ। बिहीबार तोलाको २ हजार ३१५ रुपैयाँ कायम भएकोमा आज २ हजार ३२५ मा कारोबार भएको महासंघले जनाएको छ।