‘धुलो र हिलो रहित सडकको परिकल्पनालाई सार्थक तुल्याउन काम भइरहेको छ’

काठमाडौं, साउन २१ : उपप्रधान एवं अर्थमन्त्री विष्णु पौडेलले धुलो र हिलो रहित सडकको परिकल्पनालाई व्यहारिकरुपमा सार्थक तुल्याउन काम गरिरहेको बताएका छन्। 

बुधबार नाइमा नेपाल मोबिलिटी एक्स्पो–२०२५ को उद्घाटन गर्दै सडक निमार्णको सिलसिलामा धुलो र हिलो रहित सडकको परिकल्पना पुरा गर्न काम गरिरहेको बताएका हुन्। 

‘अब हामी सडकको सन्दर्भमा धुलो रहित सडक र हिलो रहितको परिकल्पना मात्र गरिरहेका छैनौ त्यसलाई व्यहारिक रुपमा सार्थक तुल्याउदै छौं,’ उनले भने, ‘हामी सडक निमार्णको सिलसिलामा गुणस्तरमा पनि जोड दिइरहेका छौं।’ 

अर्थमन्त्री पौडेलले चालु आर्थिक वर्षको बजेटमा सडकको गुणस्तर बृद्धिका साथै भु-बनोट अनुसार बिसिसि वा आरसिसिको आवश्यकता अनुसार सडक निर्माण गरिने बताए।  

‘चालु आर्थिक वर्षको बजेटमा हामीले प्रस्ताव गरेका छौ कि अव सडकको गुणस्तर सुनिश्चित गर्ने हिसाबले खासगरिकन त्यस्ता ठाउँहरु जहाँको भु–बनोटले  आरसिसि कस्ट्रक्सनको डिमान्ड गर्छ। सिमेन्ट, रोडा, डण्डिको आवश्यकता पर्छ त्यो हिसाबले बिसिसि वा आरसिसि गरेर हामीले सडक निमार्ण गर्नुपर्छ,’ उनले भने।