महानगरपालिकाको बजेटमा अन्यौलको अवस्था 

काठमाडौं, असार १० : आपसी द्वन्द्वका कारण काठमाडौं महानगरपालिकाको बजेट मंगलबार नआउने भएको छ। 

असार १० गतेभित्रै बजेट ल्याउनुपर्ने भए पनि बजेटको तयारीस्वरुप कार्यपालिका बैठक समेत बस्न सकेन। 

महानगर प्रमुख बालेन्द्र शाह र प्रमुख प्रशासकीय अधिकृत सरोज गुरागाईंबीचको द्वन्द्वका कारण निर्धारित समयमा बजेट समेत आउन नसक्ने अवस्था उत्पन्न भएको हो। 

६ महिना यता महानगरपालिकाको नगर सभा बैठक बस्न सकेको छैन। बजेट नआउँदा महानगरमा अन्यौल र जटिलता उत्पन्न भएको छ।