Kathmandu Press

भिजिट भिसा प्रकरणमा तत्काल छानबिन समिति गठन गर्न माओवादीको माग

सांसद बस्नेतले शिक्षा विधेयक असार १५ गतेभित्र पारित सरकारले प्रतिबद्धता जनाएको स्मरण गर्दै कुनै बाहानामा सो जिम्मेवारीबाट सरकार पन्छिन नमिल्न  बताए।
भिजिट भिसा प्रकरणमा तत्काल छानबिन समिति गठन गर्न माओवादीको माग

काठमाडौं, असार २ : प्रमुख प्रतिपक्ष दल नेकपा माओवादी केन्द्रका उपमहासचिव शक्ति बस्नेतले भिजिट भिसा प्रकरणलाई तत्काल छानबिन समिति बनाएर गम्भीर ढंगले अध्यन र छानबिन गर्न माग गरेका छन्।

सोमबार प्रतिनिधि सभाको बैठकमा बोल्दै उनले राष्ट्रिय स्वतन्त्र पार्टी (रास्वपा) ले छानबिन समिति नबनेसम्म आन्दोलन जारी राख्ने अडान राखेको भन्दै यसविषयलाई गम्भीररुपमा लिएर तत्काल छानबिन समिति गठन गर्न माग गरेका हुन्। 

Hardik ivf

‘यसबारे गम्भीर ढंगले अध्ययन र छानबिन गर्न जरुरी छ। सबैले उठाउँदै आइरहेको विषय यही थियो। उहाँहरूले छानबिन समिति नबनेसम्म सदन अवरोध गर्ने कुरा जानकारी गराउनु भएको छ। सरकारले ३० दिन भित्र छानबिन समिति बनाउने उद्घोष गरिसकेको छ,’ उनले भने, ‘हामीले त्यो कुरामा विश्वास पनि गरेको छौं । म सरकारसँग आग्रह गर्छु अब ३० दिन लगाउन जरुरी छैन, केही दिन तत्काल गठन गरेर सबैभावना केन्द्रीकृत गर्न सरकारलाई आग्रह गर्छु।’

सांसद बस्नेतले शिक्षा विधेयक असार १५ गतेभित्र पारित सरकारले प्रतिबद्धता जनाएको स्मरण गर्दै कुनै बाहानामा सो जिम्मेवारीबाट सरकार पन्छिन नमिल्न  बताए।

‘हामीले सदनभित्र असार १५ गतेभित्र शिक्षा विधेयक पारित गरिसक्ने लाखौं शिक्षकसँग सरकारले प्रतिबद्धता गरेको छ। हामीले त्यो विधेयक पारित गर्नुपर्ने छ। सरकार कुनै पनि बाहानामा त्यो त्यो जिम्मेवारीबाट नपन्छियोस्,’ उनले भने।

निरन्तर नाराबाजी गरिरहेको रास्वपाले शक्ति बस्नेतले बोल्ने क्रममा नाराबाजी रोकेर मौन समर्थन जनाएको छ। 
 

प्रकाशित मिति: १६:५४ बजे, सोमबार, असार २, २०८२
Jaga shaktiJaga shakti
Globle IME bankGloble IME bank
प्रतिक्रिया दिनुहोस्