५२ पदाधिकारी विवादमा असार १८ गतेका लागि फैसला मिति सर्यो 

काठमाडौं, जेठ २८ : सर्वोच्च अदालतले ५२ संवैधानिक पदाधिकारीहरू विरुद्ध दायर भएको रिटमा निर्णय सुनाउने दिन सारेको छ। 

बुधबार फैसला सुनाउने भनिए पनि अध्ययनका लागि समय नपुगेको भन्दै आगामी असार १८ गतेका लागि फैसला सुनाउने मिति सारिएको हो। 

प्रधानन्यायाधीश प्रकाशमानसिंह राउत, न्यायाधीशहरू सपना प्रधान मल्ल, मनोजकुमार शर्मा, डा.कुमार चुडाल र डा. नहकुल सुवेदी संलग्न संवैधानिक इजलासमा सुनुवाई सकिएर आजका लागि फैसलाका लागि पेशी राखिएको थियो। 

फैसला सुनाउन भन्दै विहान ११ बजेदेखि नै न्यायाधीशहरु छलफलमा जुटेका थिए।