तस्बिरमा हेर्नुस् हल्चोकको आकाश भैरवको १२ वर्षे जात्रा

काठमाडाैं, वैशाख ३ : हल्चोकको आकाश भैरवको १२ वर्षे जात्रा अहिले चलिरहेको छ। वैशाख महिनाभर चल्ने यो जात्रा प्रत्येक १२ वर्षमा मनाइन्छ।

आकाश भैरवलाई शक्ति, साहस र रक्षाका देवताका रूपमा पूजिन्छ। विशेषगरी भैरवको आकाशीय स्वरूप, अर्थात् आकाशमा वास गर्ने शक्तिशाली देवताका रूपमा मानिन्छ।

जात्रामा नाचिने आकाश भैरव नाचमा स्थानीय समुदायका मानिसहरू पूर्ण श्रद्धा, अनुशासन र परम्परा अनुसार सहभागी हुन्छन्। यसलाई नाच मात्र नभएर एउटा सांस्कृतिक संकल्पका रुपमा हेरिन्छ।

हल्चोक आकाश भैरव, चन्डी र कुमारी नाच इन्द्र जात्रका अवसरमा पनि ८ दिन नै नाच्ने गरिन्छ।

हलचोकको आकाश भैरवको १२ वर्षे जात्राका केही तस्बिरहरू: