​होलीमा झुम्यो बसन्तपुर [फोटो फिचर]

काठमाडौं, फागुन २९ : आज होली पर्व। हरेक वर्ष फागुन शुक्ल पूर्णिमाका दिन मनाइने फागु अर्थात् होली पर्व आज काठमाडौं उपत्यकासहित पहाडी र हिमाली क्षेत्रमा हर्षोल्लासका साथ मनाइँदैछ। 

वसन्त ऋतुको आगमनसँगै आपसी मेलमिलाप र सद्भावनाको सन्देश लिई आउने फागु पर्व आज परम्परागत रूपमा विभिन्न रङ र लोला खेली मनाइँदैछ।

होलीका अवसरमा काठमाडौं उपत्यकाको वसन्तपुरमा फागु पूर्णिमाको ठूलो उत्सव देख्न सकिन्छ।  

त्यहाँ भेला भएका विदेशीहरू पनि रातो, निलो, हरियो, पहेँलोलगायत विभिन्न रङमा दलेर रमाइरहेका छन्। लोला हानेर र पिचकारीबाट पानी छ्यापेर पनि मानिसहरू रमाइरहेका छन्। होलीमा झुमेको वसन्तपुरका केही तस्बिरः​