यस्तो रह्यो महेन्द्रेश्वर महादेवमा रुद्राभिषेक [तस्बिरहरू]

काठमाडौं, फागुन १४ : काठमाडौंको हनुमानढोकास्थित महेन्द्रेश्वर महादेव मन्दिरको प्रवेशद्वारमा रहेको महादेवको पूर्ण कदको मूर्तिको रुद्राभिषेक गरिएको छ।

हरेक वर्ष दुईपटक साउन १५ र महाशिवरात्रिका दिन उक्त मन्दिरमा रुद्राभिषेक गर्ने गरिन्छ। 

डेढ दशकअघि प्रतिस्थापन गरिएको महादेवको पूर्ण कदको मूर्तिलाई पञ्चामृतले स्नान गराई मूर्तिको रुद्राभिषेक गरिएकाे छ। 

सानो पशुपति र मखन महादेव भनेर पनि चिनिने उक्त मन्दिरमा साउने सोमबार, शिवरात्रि, बालाचतुर्दशी, तिजलगायत पर्वमा पनि भक्तजनको घुइँचो लाग्ने गर्छ।