सुनचाँदीको मूल्य बढ्यो, कतिमा हुँदैछ कारोबार?

काठमाडौं, फागुन ७ : नेपाली बजारमा बुधबार सुनको मूल्य फेरि बढेको छ।

नेपाल सुनचाँदी व्यवसायी महासंघका अनुसार बुधबार सुन तोलामा ११ सय रुपैयाँले बढेको हो।

मंगलबार तोलामा १ लाख ६९ हजार ४ सय रुपैयाँ कायम भएको छापावाल सुनको आज तोलाको १ लाख ७० हजार ५ सय रुपैयाँमा कारोवार भइरहेको छ।

यस्तै चाँदीको मूल्य पनि बढेको छ। मंगलबार तोलामा १ हजार ९७०  रुपैयाँ कायम भएको चाँदीको मूल्य बुधबार १५ रुपैयाँले बढेर तोलामा १ हजार ९८५ रुपैयाँ कायम भएको महासंघले जनाएको छ।