घान्द्रुकको सौन्दर्य
समुद्रको सतहबाट २ हजार मिटरमाथि अवस्थित घान्द्रुकबाट अन्नपूर्ण हिमाल, माछापुच्छ्रे, गंगापूर्ण, हिमचुली जस्ता हिमाललाई नजिकैबाट दृष्यावलोकन गर्न सकिन्छ ।
काठमाडौं, माघ २३ : मनोरम हिमाली श्रृङ्खलाको काखमा अवस्थित घान्द्रुक गाउँ साँच्चै नै रमणीय र घुम्नै पर्ने नेपालका थुप्रै ठाउँहरुमध्येका पनि एक प्रमुख ठाउँ हो, घान्द्रुक ।
समुद्रको सतहबाट २ हजार मिटरमाथि अवस्थित घान्द्रुकबाट अन्नपूर्ण हिमाल, माछापुच्छ्रे, गंगापूर्ण, हिमचुली जस्ता हिमाललाई नजिकैबाट दृष्यावलोकन गर्न सकिन्छ । घान्द्रुक गाउँको उत्तरमा अन्नपूर्ण आधार शिविरसम्म र पश्चिममा घोरेपानी–पुनहिल पदयात्रा पनि घान्द्रुकबाट शुरु हुने भएकाले अन्नपूर्ण पर्यटकीय हिसाबले यो निकै महत्वपूर्ण छ ।
बाक्लो गुजुमुज्ज परेका ढुंगेघर, ढुंगाकै बाटो, ढुंगाकै छपनी, ढुंगाकै स्लेट छापिएका आँगन घान्द्र्रुकको एउटा विशेषता हो । नेपालकै नाम चलेका ग्रामीण पर्यटकीय होमस्टे मध्ये घान्द्रुकको होमस्टे पनि एक हो ।
यहाँ आएका पर्यटक होमस्टे बसाइमा निकै रमाउन चाहन्छन् । होमस्टे नै भएतापनि अत्याधिक महँगो हुँदैं गएको पर्यटकहरुको गुनासो रहेको छ ।
घान्द्रुक पुगेर पर्यटक सुबास भण्डारीले आफ्नो क्यामरामा कैद गरेका केहि तस्बिरहरु :