Kathmandu Press

युवाहरूको स्टार्टअप जोशलाई सरकारले समर्थन र संरक्षण गर्नुपर्छः देउवा

'पछिल्लो समय स्टार्टअप व्यवसायतर्फ आकर्षण बढ्दो छ। युवापुस्ताले थोरै लगानीमा पनि सिर्जनात्मक ढंगले काम गर्ने प्रयास गर्दैछन्। व्यवसायमा टिक्नका लागि उद्यमीले धैर्य सँगै निरन्तरता दिनुपर्ने भएकाले सरकारको साथ, समर्थन र संरक्षकत्व अपरिहार्य हुन्छ।'
युवाहरूको स्टार्टअप जोशलाई सरकारले समर्थन र संरक्षण गर्नुपर्छः देउवा

काठमाडौं, माघ १६ः नेपाली कांग्रेसका सभापति शेरबहादुर देउवाले पछिल्लो समय युवाहरुको स्टार्टअप व्यवसायतर्फ आकर्षण बढेको बताएका छन्।

नेपाल स्टार्टअप र एसएमई समिट कार्यक्रममा बोल्दै देउवाले युवा पुस्ताले थोरै लगानीमा पनि सिर्जनात्मक ढंगले काम गर्ने प्रयास गरेको भन्दै युवाहरु पछिल्लो समय स्टार्टअप व्यवसायतर्फ आकर्षित भएको बताएका हुन्।

Hardik ivf

उनले भने, ‘पछिल्लो समय स्टार्टअप व्यवसायतर्फ आकर्षण बढ्दो छ। युवापुस्ताले थोरै लगानीमा पनि सिर्जनात्मक ढंगले काम गर्ने प्रयास गर्दैछन्। यस्ता उद्यम सञ्चालन गर्न सहुलियतपूर्ण ऋण, तालिम, सीप विकास र विशेष अनुदान पनि आवश्यक पर्छ। व्यवसायमा टिक्नका लागि उद्यमीले धैर्य सँगै निरन्तरता दिनुपर्ने भएकाले सरकारको साथ, समर्थन र संरक्षकत्व अपरिहार्य हुन्छ। थोरै लगानीमै स्टार्ट अफ व्यावसायलाई प्रभावकारी रुपमा सञ्चालन गर्ने हो भने रोजगारीमा क्रान्ति ल्याउन पनि सकिन्छ।’

उनले स्थानीय उद्यमशीलताको विकास गर्दै आत्मनिर्भरता र रोजगारी सृजना गर्नु पर्ने अहिलेको अवश्यकता रहेको पनि बताए।

‘गाउँगाउँमा स्थानीय उद्यमशीलताको विकास गर्दै आत्मनिर्भरता र रोजगारी सृजना गर्नु पर्ने अहिलेको अवश्यकता हो। गाउँ तहदेखि उद्यमको विकास हुँदै जाँदा सानो लगानीले पनि रोजगारी र आत्मनिर्भरतामा सहयोग पुर्‍याउँछ।’ उनले भने।

देउवाले नेपालमा नागरिकको स्वतन्त्रता, समानता र न्याय सहितको लोकतान्त्रिक अधिकार प्राप्तिको हरेक आन्दोलनको अग्रमोर्चामा रहि आफ्नो प्राणको आहुति दिएका शहीदहरूको स्मरण गर्दै श्रद्धासुमन पनि व्यक्त गरेका छन्।

प्रकाशित मिति: १२:४६ बजे, बुधबार, माघ १६, २०८१
NTCNTC
Jaga shaktiJaga shakti
प्रतिक्रिया दिनुहोस्