तोलामा एक हजार घट्यो सुनको मूल्य

काठमाडौं, पुस १६ : अन्तर्राष्ट्रिय बजारमा सुनचाँदीको मूल्यमा उतारचढाव भएसँगै स्थानीय बजारमा पनि त्यसको प्रभाव परेको छ। 

मंगलबार नेपाली बजारमा सुन र चाँदीको मूल्यमा केही गिरावट भएको छ।

आज सुन प्रतितोलामा एक हजारले घटेर एक लाख ४९ हजार छ सय कायम भएको नेपाल सुनचाँदी व्यवसायी महासंघले जनाएको छ। 

चाँदीको मूल्यमा पनि प्रतितोला ३० रुपैयाँ घटेको छ। आज चाँदी प्रतितोला एक हजार सात सय ६५ मा कारोबार भइरहेको छछ।