तोलामा २२ सय रुपैयाँ घट्या सुनको मूल्य

काठमाडौं, मंसिर ३० : आइतबार नेपाली बजारमा सुनको मूल्यमा भारी मात्रामा घटेको छ। आज सुनको मूल्य तोलामा २ हजार २ सय रुपैयाँले घटेको छ।

नेपाल सुनचाँदी व्यवसायी महासंघका अनुसार आज छापावाल सुनको मूल्य २ हजार २ सय रुपैयाँले घटेर तोलामा एक लाख ५० हजार ८ सय रुपैयाँ कायम भएको छ।

शुक्रबार छापावाल सुन तोलामा एक लाख ५३ हजार रुपैयाँमा कारोबार भएको थियो।

यस्तै आज चाँदीको मूल्य पनि २० रुपैयाँले घटेको छ। चाँदीको मूल्य आइतबार १ हजार ८४० रुपैयाँ कायम भएको हो।