दुर्गा प्रसाईंलाई थप चार दिन थुनामा राख्न अनुमति 

काठमाडौं, मंसिर १८ । मेडिकल व्यवसायी दुर्गा प्रसाईंलाई थप ४ दिन हिरासतमा राख्न जिल्ला अदालत काठमाडौंले अनुमति दिएको छ।

हिरासतमा राखेर अनुसन्धान गर्ने प्रयोजनका लागि अदालतले प्रहरीलाई अनुमति प्रदान गरेको हो।

प्रसाईं ५ मंसिरमा पक्राउ परेयता अदालतको अनुमतिले म्याद थप्दै थुनामा छन्।

उनीविरुद्ध प्रधानमन्त्री ओलीविरुद्ध अफवाह फैलाएको आरोप छ।

प्रहरीले प्रसाईंविरुद्ध  विद्युतीय अपराध नियन्त्रण ऐन, २०६३ विपरीतको कसुरमा अनुसन्धान गरिरहेको छ । 

प्रसाईंका छोरा निराजन प्रसाईंले गैरकानूनी रुपमा थुनामा राखिएको दाबीसहित दायर गरेको वन्दी प्रत्यक्षीकरण रिट खारेज भएपछि प्रसाईंमाथि छानविन गर्न बाटो खुलेको छ ।