कीर्तिपुर मेयरमा कांग्रेसलाई एक हजार बढीको मतान्तर, कसले कति पाए मत?

काठमाडौं, मंसिर १७ । काठमाडौंको कीर्तिपुर नगरपालिका मेयरमा नेपाली कांग्रेसका उम्मेदवार कृष्णमान डंगोलले १ हजार भन्दा बढी मतले अग्रता लिएका छन्।

मतगणना अन्तिम चरणमा पुग्दै गर्दा डंगोलले एमाले उम्मेदवार सुरेन्द्र मानन्धरलाई ११ सय भन्दा बढी मतले पछि पारेका हुन्।

डंगोलले ४ हजार ७६८ मत ल्याउँदा एमालेका मानन्धरले ३ हजार ६६६ मत ल्याएका छन्।

माओवादीका शिवशरण महर्जनले ३ हजार ३२७ मत ल्याएका छन्।

स्वतन्त्र उम्मेदवार राजमान महर्जनले १ हजार ७०५ मत ल्याएका छन्। कविकुमार महर्जनले १२२१ र दिनेशकुमार अधिकारीले १०४३ मत पाएका छन्।

कीर्तिपुरमा यसअघि कांग्रेसले नै जितेको थियो।