कीर्तिपुरमा तीन वडा गन्न बाँकी हुँदा कसले कति मत पाए?
काठमाडौंको कीर्तिपुर नगरपालिकाको मतगणना करिब अन्तिम चरणमा पुगेको छ।
काठमाडौं, मंसिर १७ : काठमाडौंको कीर्तिपुर नगरपालिकाको मतगणना करिब अन्तिम चरणमा पुगेको छ।
साँझ ६ बजेसम्म यहाँ सात वडाको मत गणना भइसकेको छ। कीर्तिपुरकी निर्वाचन अधिकृत इन्दिरा कार्कीका अनुसार सात वडा गनिसक्दा कांग्रेसका कृष्णमान डंगोलले सात सय बढी मतले अग्रता लिएका छन्।
उनले ३ हजार ६५२ मत ल्याउँदा एमालेका सुरेन्द्र मानन्धरले २ हजार ९०७ मत पाएका छन्।
माओवादी केन्द्रका उम्मेदवार शिवशरण महर्जनसँग कांग्रेसका डंगोलको मतान्तर १ हजारभन्दा बढी छ।
माओवादीका महर्जनले २ हजार ५०८ मत पाएका छन्।
स्वतन्त्र उम्मेदवार राजमान महर्जनले १२९४ मत ल्याएका छन्। अर्का स्वतन्त्र उम्मेदवार दिनेशकुमार अधिकारीले १०१२ र कविकुमार महर्जनले ८५५ मत ल्याएका छन्।
कीर्तिपुर नगरपालिकाको मेयर यसअघि कांग्रेसले जितेको थियो।
प्रकाशित मिति: १८:४७ बजे, सोमबार, मंसिर १७, २०८१
प्रतिक्रिया दिनुहोस्
थप समाचार
