तोलामा १२ सयले घट्यो सुनको मूल्य

काठमाडौं, मंसिर १७ : सुनको मूल्य प्रतितोला  एक हजार दुई सयले घटेको छ।

नेपाल सुनचाँदी व्यवसायी महासंघका अनुसार आईतबार प्रतितोला एक लाख ५० हजार पाँच सयमा कारोबार भएको सुनको मूल्य घटेर सोमबार प्रतितोला  एक लाख ४९ हजार तीन सय कायम भएको हो।

त्यस्तै नेपाली बजारमा सोमबार चाँदीको मूल्य पनि घटेको छ। चाँदी प्रतितोला २५ रुपैयाँले घटेर एक हजार आठ सय १५ मा कारोबार हुने महासंघले जनाएको छ।