रामेछापमा जिप दुर्घटना हुँदा वडाध्यक्षसहित पाँच जनाको मृत्यु

काठमाडौं, मंसिर १४। रामेछापको सिमलडाँडामा भएको जिप दुर्घटनामा गोकुलगंगा गाउँपालिका– ४ का वडाध्यक्ष रामचन्द्र बस्नेतसहित पाँचजनाको मृत्यु भएको छ।

काठमाडौँबाट रामेछापको बेतालीतर्फ गइरहेको गाडी शुक्रबार दिउँसो गोकुलगंगा वडा नम्बर ६ स्थित सिमलडाँडामा दुर्घटनामा परेको थियो।

शुक्रबार खिम्ती बेताली सडक खण्डबाट ना १ ज ७१२३ नम्बरको जिप सिमलडाँडा भिरमा ३०० मिटर तल खसेको थियो।

जिपमा सवार तीन जना यात्रु गंभिर घाइते रहेको प्रहरीले जनाएको छ।

घाइतेलाई मन्थली अस्पताल र तामाकोसी अस्पतालमा उपचारका लागि लगिएको छ। 

दुर्घटनामा मृत्यु भएका बस्नेत नेपाली कांग्रेसबाट निर्वाचित जनप्रतिनिधि हुन्।