सेयर बजारमा गिरावट, नेप्से ३१ अंकले घट्यो

काठमाडौं, मंसिर ६ : साताको अन्तिम कारोबार दिन विहीबार सेयर बजारमा गिरावट आएको छ। 

अघिल्लो दिनको तुलनामा नेप्से परिसूचक ३१.३१ अंकलेघटेर २६८०.४४ विन्दुमा झरेको हो।

बिहिबार सेयर बजारमा १ करोड ८४ लाख कित्ता सेयर किनबेच हुदाँ ८ अर्ब २५ करोड ७६ लाख रुपैयाँ बराबरको सेयर कारोबार भएको छ।

कुल २४४ वटा कम्पनी मध्ये १९७ कम्पनीको सेयर मूल्य घटेको छ भने ४३ वटा कम्पनीको सेयर मूल्य बढेको छ।

सामुदायिक लघुवित्त र त्रिस्टार हाइड्रोपावरको शेयरमा सकारात्मक सर्किट लागेको छ भने जानकी फाइनान्सको शेयरमा नकारात्मक सर्किट लागेको छ।

सेयर बजारमा रहेका १३ मध्ये सबै उपसमूहको सूचक घट्दा सबैभन्दा धेरै फाइनान्स समूह २.८६ प्रतिशतले घटेको नेप्सेले जनाएको छ।