यूईएफए नेशन्स लिग : जर्मनी र हंगेरी तथा नेदरल्यान्ड्स र बोस्नियाले बराबरी खेले

काठमाडौं, मंसिर ५ : यूईएफए नेशन्स लिगमा जर्मनी र हंगेरी तथा नेदरल्यान्ड्स र बोस्निया एन्ड हर्जगोभिनाले बराबरी खेलेका छन् । आज बिहान भएको खेलमा जर्मनी र हंगेरीले एक, एक गोलको बराबरी खेलेका हुन् ।

हंगेरीका डोमिनिक सबोस्लाईले दोस्रो हाफको इन्ज्युरी समयमा पेनाल्टीमा गोल गरे । जर्मनीले फेलिक्स एनमेचाको गोलमा खेलको ७६ औं मिनेटमा अग्रता लिएको थियो । तर अग्रतालाई अन्तिममा जोगाउन सकेन ।

समूह ‘सी’ को जर्मनी शीर्ष स्थानमा छ । यसै समूहमा नेदरल्यान्ड्स र बोस्निया एन्ड हर्जगोभिनाले पनि एकरएक गोलको बराबरी खेलेका हुन् । नेदरल्यान्ड्स ९ अङ्कका साथ दोस्रो स्थानमा छ ।