लामिछानेलाई अदालतमा उपस्थित गराइयो 

पोखरा, कात्तिक ४ : सहकारी ठगी प्रकरणमा पक्राउ परेका पूर्वगृमन्त्री तथा राष्ट्रिय स्वतन्त्र पार्टी सभापति रवि लामिछानेलाई अदालतमा उपस्थित गराइएको छ ।

सूर्यदर्शन बचत तथा ऋण सहकारी संस्था लिमिटेड पोखराको सहकारी ठगी तथा सङ्गठित अपराधसम्बन्धी मुद्दा सम्बन्धमा अनुसन्धानका लागि थुना म्यादको मागसहित लामिछानेलाई अदालतमा उपस्थित गराइएको हो । 

लामिछानेलाई शुक्रबार पक्राउ गरी पोखरा लगिएको थियो । लामिछानेको स्वास्थ्य परीक्षण गरी शनिबारदेखि जिल्ला प्रहरी कार्यालय कास्कीको हिरासतमा छन् । 

अहिले अदालत बाहिर लामिछानेका समर्थक र सहकारी पीडित दुवै पक्षको भिड लागेको छ । काश्की जिल्ला प्रशासनले निषेधाज्ञा जारी गरे पनि रास्वपाका कार्यकर्ताले निषेधाज्ञा तोडेर प्रदर्शन गरेपछि प्रहरीसँग धकेलाधकेलको स्थिति उत्पन्न भएको थियो ।