एक हजार बढी पर्यटक मन्थलीमा रोकिए
काठमाडौँबाट मन्थलीसम्म सडकबाट आउने र मन्थलीबाट लुक्ला हवाईजहाजमा जान भनी आएका एक हजार तीन सय विदेशी पर्यटक लुक्लामा मौसम प्रतिकुल भएपछि रोकिएका हुन्।रामेछाप, असोज २९ : सोलुखुम्बुको लुक्ला जान मन्थली आएका एक हजार बढी विदेशी पर्यटक दुई दिनदेखि रोकिएका छन्।
काठमाडौँबाट मन्थलीसम्म सडकबाट आउने र मन्थलीबाट लुक्ला हवाईजहाजमा जान भनी आएका एक हजार तीन सय विदेशी पर्यटक लुक्लामा मौसम प्रतिकुल भएपछि रोकिएका हुन्।
रोकिएका पर्यटकहरु कोही सडकबाट सोलुखुम्बु सदरमुकाम फाप्लुतर्फ लागेका छन् भने कोही हेलिकप्टरमार्फत सुर्के जान थालेका छन्। नागरिक उड्डयन प्राधिकरण कार्यालय मन्थलीका प्रमुख हिरोण शाहका अनुसार समिट, तारा र सीता एअरलाइन्समार्फत लुक्ला जाने तयारीमा रहेका विदेशी पर्यटक रोकिएका हुन्।
मन्थलीबाट पर्यटकीय याममा दैनिक ५५ देखि ६० उडान हुने गरेको नागरिक उड्डयन प्राधिकरण मन्थलीका सूचना अधिकारी प्रज्वल गुरागाईंले जानकारी दिनुभयो । पर्यटकहरु शरद ऋतुका बेला सगरमाथा आधार शिविर पदयात्राका लागि जाने गर्दछन्।
प्रकाशित मिति: १६:५१ बजे, मंगलबार, असोज २९, २०८१
प्रतिक्रिया दिनुहोस्
थप समाचार
सुनसान छन् मन्त्रालय [तस्बिरहरू]मंगलबार, असोज २९, २०८१
खाद्यान्न र तरकारीको भाउ आकासियोमंगलबार, असोज २९, २०८१
गौशाला धर्मशालाको मोहीयानी हक नलाग्ने कोषको भनाई, महानगरले माग्यो सुरक्षामंगलबार, असोज २९, २०८१
एक हजार बढी पर्यटक मन्थलीमा रोकिएमंगलबार, असोज २९, २०८१