कांग्रेसलाई एक्लै बहुमत ल्याउनसक्ने अवस्थामा पुर्याउन लाग्नुस् : नेता कोइराला
नेता कोइरालाले आगामी निर्वाचनमा कांग्रेस एक्लै चुनाव लड्ने पनि बताए । नेता कोइरालाले १५ औँ महाधिवेशनपछि कांग्रेसमा पैसा नहुनेहरूले निर्वाचनमा टिकट पाउँदैनन् भन्ने धारणा अन्त्य हुने दाबी समेत गरे ।
काठमाडौं, असोज २१ : नेपाली कांग्रेसका नेता डा.शेखर कोइरालाले कांग्रेसलाई एक्लै बहुमत ल्याउनसक्ने अवस्थामा पुर्याउने गरी खट्न नेता कार्यकर्तालाई निर्देशन दिएका छन् ।
नेता कोइरालाले बालुवाटारस्थित सम्पर्क कार्यालयमा सोमबार कांग्रेसका दलित नेताहरूसँगको भेटमा उक्त निर्देशन दिएका हुन् । नेता कोइरालाले आगामी निर्वाचनमा कांग्रेस एक्लै चुनाव लड्ने पनि बताए । नेता कोइरालाले १५ औँ महाधिवेशनपछि कांग्रेसमा पैसा नहुनेहरूले निर्वाचनमा टिकट पाउँदैनन् भन्ने धारणा अन्त्य हुने दाबी समेत गरे ।
कांग्रेसको भातृ संगठन दलित संघका नेताहरुसँगको भेटमा कोइरालाले उक्त भनाई राखेका हुन् । भेटमा सहमहामन्त्री जीवन परियार, केन्द्रीय सदस्यहरू सरिता प्रसाईँ, प्रकाश स्नेही, सांसद सीता मिजारलगायत कोइरालाको सम्पर्क कार्यालयमा सहभागि थिए ।
प्रकाशित मिति: १५:०४ बजे, सोमबार, असोज २१, २०८१
प्रतिक्रिया दिनुहोस्
थप समाचार
