दुई दिनको बाढी र पहिरोबाट १७ अर्ब रुपैयाँभन्दा बढी क्षति
भारी वर्षासँगै आएको बाढी र पहिरोबाट १७ अर्ब रुपैयाँभन्दा बढी क्षति भएको जानकारी सरकारले दिएको छ ।
काठमाडौं, असोज १५ । भारी वर्षासँगै आएको बाढी र पहिरोबाट १७ अर्ब रुपैयाँभन्दा बढी क्षति भएको जानकारी सरकारले दिएको छ ।
प्रधानमन्त्री केपी शर्मा ओलीले मंगलबार आयोजना गरेको पत्रकार सम्मेलनमा मुख्य सचिव एकनारायण अर्यालले गत असोज ११ र १२ गते बाढी पहिरोका कारण भएको क्षतिको जानकारी दिएका हुन् । पत्रकार सम्मेलनमा बाढी, पहिरो र डुवानबाट २१ जिल्ला प्रभावित भएको जानकारी दिइयो ।
काभ्रे, ललितपुर, धादिङ, काठमाडौं, सिन्धुपाल्चोक, सिन्धुली र मकवानपुर जिल्ला बढी प्रभावित भएका छन् । मुख्य सचिव अर्यालले बाढी पहिरोमा परी २२४ जनाको मृत्यु, २४ जना बेपत्ता र १५८ जना घाइते भएका छन् ।
अर्यालले खोज तथा उद्दार कार्य दुई दिनभित्र सक्ने पनि बताए ।
यस्तै, राहतलाई एकद्धार प्रणालीमार्फत वितरण गर्ने सरकारको योजनासमेत उनले बताए । घरबारबिहीन भएकाहरुलाई सरकारले तोकेको स्थानमा अस्थायी आवास बनाउन दिइने निर्णय समेत अर्यालले सुनाए ।
