दुर्गा प्रसाईंविरूद्ध दुईवटा मुद्दा दर्ता 

काठमाडौं, असोज १४ ।  मेडिकल व्यवसायी दुर्गा प्रसाईंविरुद्ध सोमबार जिल्ला अदालत काठमाडौँमा साइबर कसुर अन्तर्गत दुईवटा मुद्दा दर्ता गरिएको छ ।  

प्रहरीको साइबर ब्युरोको अनुसन्धान प्रतिवेदन अनुरुप जिल्ला सरकारी वकिल कार्यालय काठमाडौंले मुद्दा दर्ता गरेको हो । प्रसाईलाई असोज ६ मा भक्तपुरस्थित निवासबाट पक्राउ गरिएको थियो ।

एक युट्युब च्यानलमार्फत प्रसाईंले राष्ट्रिय स्वतन्त्र पार्टीमा आबद्ध एक महिला नेतृको चरित्रहत्या गरेको आरोपमा साइबर मुद्दा दायर गरिएको हो ।

ती महिलाविरुद्ध प्रसाईंले नाम नै किटेर आरोप लगाएपछि पीडितबाट साइबर ब्युरोमा उजुरी परेको थियो ।