प्रधानन्यायाधीशमा सिफारिस राउतविरुद्ध ६ वटा उजुरी 

काठमाडौं, असोज १४ : प्रधानन्यायाधीशमा सिफारिस प्रकाशमान सिंह राउतविरुद्ध संसदीय सुनुवाइ समितिमा ६ वटा उजुरी दर्ता भएका छन्। 

संवैधानिक परिषद्ले गत भदौ ३१ गते राउतलाई प्रधानन्यायाधीशमा नियुक्त गर्न सिफारिस गर्दै संसदीय सुनुवाईमा पठाएको थियो। 

असोज ३ गते प्रधानन्यायाधीशमा सिफारिस राउतविरुद्ध सार्वजनिक उजुरी आह्वान गरिएको थियो। आइतबारसम्म ६ वटा उजुरी दर्ता हुन आएका छन्। 

संसदीय सुनुवाइ समितिले प्रधानन्यायाधीश र राजदूतहरुबारे उजुरी तथा सूचनाहरू खोलेर छलफल गरेपछि प्रक्रिया अघि बढ्ने भएको छ। उजुरीको प्रकृतिबारे समितिको अध्ययनपछि मात्र खुलासा हुने छ ।