सहकारी ठगीसम्बन्धी प्रतिवेदन तत्काल कार्यान्वयन गर्न गृहमन्त्रीको निर्देशन 

काठमाडौं, असोज ६ : गृहमन्त्री रमेश लेखकले सहकारी संस्था बचत रकम अपचलनसम्बन्धी संसदीय विशेष छानबिन समितिको प्रतिवेदन कार्यान्वयनका लागि नेपाल प्रहरीलाई निर्देशन दिएका छन्। 

गृहमन्त्री लेखकले आइतबार प्रहरी प्रधान कार्यालयमा प्रतिवेदन पठाउँदै तत्काल कार्यान्वयन गर्न भनेका हुन्। 

छानविन समितिले गत सोमबार संसदमा उक्त प्रतिवेदन बुझाएको थियो । प्रतिवेदन कार्यान्वयनका लागि गृहमन्त्रालयको जिम्मा लगाइएको छ। 

यसअघि मन्त्रिपरिषद् बैठकले छानविन प्रतिवेदन कार्यान्वयन गर्ने निर्णय गरिसकेको छ। गृहबाट प्रतिवेदन कार्यावयनका लागि प्रहरी प्रधान कार्यालयको जिम्मा लगाइएको हो।