गोर्खा मिडियाको प्रबन्ध निर्देशक हुँदा रवि लामिछानेले कसका नाममा कतिको चेक काटे ?

लामिछानेले गोर्खा मिडियाको सम्पूर्ण आर्थिक कारोबार जिबी राईले सम्हाल्ने र त्यसमा आफ्नो कुनै भूमिका नरहेको दाबी गर्दै आएका थिए।

काठमाडौं प्रेसशुक्रबार, असोज ४, २०८१

काठमाडौं, असोज ४ । गोरखा मिडियाको प्रबन्ध निर्देशक रहँदा आर्थिक क्रियाकलाप जिबी (गितेन्द्रबाबु) राईले हेर्ने त्यसमा आफ्नो कुनै संलग्नता नरहेको दाबी गर्दै आएका रवि लामिछानेले करोडौं रकमको चेक काटेको खुलेको छ।

सहकारीको बचत अपचलन छानबिन गर्न बनेको संसदीय विशेष समितिले तीन महिना लगाएर छानबिन गरी शुक्रबार सार्वजनिक गरेको प्रतिवेदनबाट लामिछानेले गोर्खा मिडियाको प्रबन्ध निर्देशकको हैसियतमा झन्डै २४ करोडको चेक काटेको खुलेको हो।

प्रतिवेदनअनुसार लामिछानेले नोबडी प्रोडक्सन प्रालिको नाममा दुईपटक ६५ लाख ६७ हजार २८७ रूपैयाँ र एकपटक १ करोड २७ लाख ३ हजार १२५ रूपैयाँको चेक काटेका थिए।