आगामी वैशाखमा पहिलो महाधिवेशन गर्ने रास्वपाको घोषणा

काठमाडौं, असोज २ : राष्ट्रिय स्वतन्त्र पार्टीले पहिलो महाधिवेशनको मिति घोषणा गरेको छ।

काठमाडौंमा बुधबार बसेको राष्ट्रिय भेलाले पार्टीको पहिलो महाधिवेशनको मिति घोषणा गरेको हो।

जसअनुसार आगामी वैशाख २५, २६ र २७ गतेका लागि महाधिवेशन मिति तोकिएको छ। रास्वपा सभापति रवि लामिछानेले राष्ट्रिय भेलाको अन्तिममा मिति घोषणा गरेका थिए।

मिति घोषणासँगै सभापति लामिछानेले केन्द्रीय समितिलाई महाधिवेशन आयोजक समितिमा परिवर्तन समेत गरेका छन्।

यसअघि गत साउन १८ र १९ गते बसेको रास्वपाको बन्द कार्यशालाले वैशाखको तेस्रो साता महाधिवेशन गर्न सुझाव दिएको थियो।

सोहीअनुसार बुधबारको राष्ट्रिय भेलाले महाधिवेशन मिति तय गरेको हो।