सुनको मूल्यमा कीर्तिमान

काठमाडौं, भदौ ३० : स्थानीय बजारमा सुनको मूल्यले नयाँ कीर्तिमान कायम गरेको छ। लगातार उकालो लागिरहेको सुनको मूल्य आज प्रतितोला पाँच सयले वृद्धि भएर कीर्तिमान बनाएको हो। 

नेपाल सुनचाँदी व्यवसायी महासंघका अनुसार शुक्रबार प्रतितोला एक लाख ५६ हजार तीन सयमा कारोबार भएको छापावाला सुन आजका लागि भने एक लाख ५६ हजार आठ सय निर्धारण भएको छ। 

यस्तै चाँदीको मूल्य तोलामा ४० रुपैयाँले बढेर चाँदीको मूल्य एक हजार नौ सय निर्धारण भएको छ।