मोहन मैनालीको ‘मुकाम रणमैदान’ले पायो मदन पुरस्कार

काठमाडौं, भदौ १४ : मोहन मैनालीको पुस्तक ‘मुकाम रणमैदान’लाई यो वर्षको मदन पुरस्कार प्रदान गरिने भएको छ। 

मदन पुरस्कार गुठीको शुक्रबार बसेको बैठकले २०८० को मदन पुरस्कारकाे अन्तिम सूचीमा रहेका ५ पुस्तक मध्ये मैनालीको ‘मुकाम रणमैदान’लाई दिने निर्णय गरेको हो।

मदन पुरस्कारको अन्तिम सूचीमा मैनालीको ‘मुकाम रणमैदान’सँगै भक्त स्याङतानको ‘डम्फुको आत्मालाप’, जीवन क्षेत्रीको ‘नुन–तेल’, भावेश भुमरी र प्रणिता चामलिङको ‘भावलिपि’ र रोशन थापा नीरवको ‘सन्त्रासका साठी दिन’ थिए। 

यस्तै, गुठीले यो वर्षको जगदम्बा श्री पुरस्कार प्रा.डा. योगेन्द्रप्रसाद यादवलाई दिने निर्णय गरेको छ। 

पुरस्कार आगामी असोजमा वितरण हुनेछ। दुवै पुरस्कारको राशी समान ४ लाख रुपैयाँ छ।