बिग बास लिगको ड्राफ्टमा परे सन्दीप र ललित
बिग बासको नयाँ सिजनका लागि क्रिकेट अस्ट्रेलियाले निकालेको खेलाडी ड्राफ्टको सूचीमा सन्दीप र ललितको नाम समावेश भएको हो।
काठमाडाैं, भदाै १२ : नेपालका दुई स्टार स्पिनर सन्दीप लामिछाने र ललित नारायण राजवंशी अस्ट्रेलियको बिग बास लिगको ट्राफ्टमा परेका छन्।
बिग बासको नयाँ सिजनका लागि क्रिकेट अस्ट्रेलियाले निकालेको खेलाडी ड्राफ्टको सूचीमा सन्दीप र ललितको नाम समावेश भएको हो।
सन्दीपसँग यसअघि नै बिग बास लिग खेलिसकेको अनुभव छ भने ललित पहिलो विदेशी फ्रेन्चाइज लिगको ड्राफ्डमा परेका हुन्।
सन्दीपले ४ सिजन बिग बास लिग खेलेका छन्। उनले २०१८/१९ र २०१९/२० मेलबर्न स्टार्सबाट खेलेका थिए भने २०२०/२१ र २०२१/२१मा होबर्ट होरिकेन्सबाट खेलेका थिए। उनले ४ सिजनमा कुल ४३ खेल खेल्दै ४८ विकेट लिएका छन्। उनको इकोनोमी ७.४२को छ।
सन्दीप र ललितसँगै ४३२ खेलाडी ड्राफ्डमा परेका छन्। अक्सन सेप्टेम्बर १मा हुनेछ।
प्रकाशित मिति: १३:२१ बजे, बुधबार, भदौ १२, २०८१
प्रतिक्रिया दिनुहोस्
थप समाचार
