सुनकाे मूल्यमा नयाँ रेकर्ड

काठमाडौं, भदौ ५ : नेपाली बजारमा बुधबार सुनको मूल्य ८ सय रुपैयाँले बढेको छ। याेसँगै सुनकाे मूल्य हालसम्मकै उच्च कायम भएकाे छ।

नेपाल सुनचाँदी व्यवसायी महासंघका अनुसार आज छापावाल सुनको मूल्य ८ सय रुपैयाँले बढेर तोलामा १ लाख ५३ हजार रूपैयाँ कायम भएको हो। 

मंगलबार सुनको मूल्य तोलामा १ लाख ५२ हजार २०० रुपैयाँ कायम भएको थियो।  

यस्तै आज चाँदीको मूल्य पनि बढेको छ। मंगलबार तोलामा १ हजार ८ सय २० रूपैयाँमा कारोवार भएको चाँदी आज १५ रूपैयाँले बढेर १ हजार ८ सय ३५ रूपैयाँमा कारोबार भइरहेको छ।