तोलाको १ सय रुपैयाँले घट्यो सुनको मुल्य

काठमाडौं, भदौ ४ : मंगलबार नेपाली बजारमा सुनको भाउ सामान्य घटेको छ।

सुनको मुल्य तोलामा १ सय रुपैयाँ घटेको नेपाल सुनचाँदी व्यवसायी महासंघले जनाएको छ।

महासंघका अनुसार मंगलबार छापावाला सुनको मूल्य प्रतितोला १ लाख ५२ हजार २ सय रुपैयाँ कायम भएको छ।

मंगलबार चाँदीको मूल्य भने तोलामा १० रुपैयाँले बढेको छ। आइतबार र सोमबार दुई दिनसम्म स्थिर रहेको चाँदीको मूल्य मंगलबार बढेको हो। 

मंगलबार चाँदीको मूल्य तोलामा १ हजार ८ सय २० रुपैयाँ तोकिएको छ।