नेप्से ३४ अंकले घट्यो
अघिल्लो दिन ३ हजार अंकमा रहेको शेयर बजार आइतबार नेप्से परिसूचक ३४.४७ अंक घटेर २९६६ बिन्दुमा बन्द भएको छ।
काठमाडौं, भदौ २ : शेयर बजार ३ हजार विन्दुबाट ओरालो लागेको छ। अघिल्लो कारोबारको तुलनामा आइतबार नेप्से परिसूचक ३४.४७ अंक घटेको छ।
अघिल्लो दिन ३ हजार अंकमा रहेको शेयर बजार आइतबार भने २९६६ मा रहेर बन्द भएको छ।
आइतबार कुल २८ अर्ब ८३ करोडको कारोबार भएको छ। ४७ कम्पनीको शेयर मूल्य बढेको छ भने १९७ कम्पनीको घटेको छ।
बैंकिङ ०.८४ तथा निर्जीवन बीमा ०.४६ प्रतिशतले बढेको छ भने विकास बैंक २.२५, फाइनान्स २.७९, होटल तथा पर्यटन ४.४९, हाइड्रोपावर ३.७४, उत्पादन २.५८, माइक्रोफाइनान्स ०.३१, अन्य ३ र व्यापार समूह १.३२ प्रतिशत घटेका छन्।
प्रकाशित मिति: १५:२३ बजे, आइतबार, भदौ २, २०८१
प्रतिक्रिया दिनुहोस्
थप समाचार
