देशभर हैजा संक्रमितको संख्या २७ पुग्यो, उपत्यकामा सबैभन्दा बढी

काठमाडौं, साउन २१ : देशभर हैजा संक्रमितको संख्या २७ पुगेको छ।

स्वास्थ्य सेवा विभाग अन्तर्गतको इपिडिमियोलोजी तथा रोग नियन्त्रण महाशाखा (ईडीसीडी)का अनुसार  देशभर संक्रमितको संख्या २७ पुगेको हो।  

सबैभन्दा बढीे ललितपुरमा १६ र काठमाडौंमा १ गरी उपत्यकामा १७ जनामा हैजा पुष्टि भएको छ।

यसैगरी कैलालीमा ९ र प्युठानमा २ जनालाई हैजा पुष्टि भएको छ। भक्तपुर चाँगुनारायणका १ जनालाई हैजा पुष्टि भए पनि उनको ललितपुरमै गणना गरिएको महाशाखाले जनाएको छ।

गर्मी र बर्खाको समयमा झाडापखाला, हैजा तथा पानीजन्य रोग फैलिने हुँदा सतर्कता अपनाउन महाशाखाले आग्रह  गरेको  छ।

महाशाखाले हैजासम्बन्धी कुनै पनि लक्षण देखिए नजिकैको स्वास्थ्य कार्यालयमा सम्पर्क गर्न अनुरोध गरेको छ।