ड्रोनबाट यस्तो देखियो रातो मच्छिन्द्रनाथको रथयात्रा

काठमाडाैं, साउन १७ : वर्षा र सहकालका देवताका रूपमा पुजिने ऐतिहासिक रातो मच्छिन्द्रनाथको रथयात्रा सुरु भएको छ। बिहीबारबाट सुरु भएको रथयात्रा जावलाखेल आइपुगेको छ।

बिहीबार रथ लगनखेलबाट तानेर बिहीबार जावलाखेल ल्याइएको छ। रातो मच्छिन्द्रनाथको रथलाई ललितपुरका विभिन्न स्थानमा घुमाउने गरिन्छ।

जावलाखेलमा राखिएको रथ भोटो देखाउने जात्रापछि बुंमतीतर्फ लगिनेछ। यो वर्षको जात्रा पात्रोअनुसार तीन महिनापछि समापन हुने बताइएको छ।

ललितपुरमा हरेक वर्ष हुने रातो मच्छिन्द्रनाथको रथजात्रा काठमाडौँ उपत्यकाको पुरानो र सबैभन्दा लामो जात्राका रूपमा चिनिन्छ।