यौन व्यवसायमा लगाएको आरोपमा सिन्धलीका २ जना पक्राउ

काठमाडौं, असार २६ : नाबालिकाहरूलाई यौन व्यवसायमा लगाएको आरोपमा प्रहरीले सिन्धुलीका दुई जनालाई पक्राउ गरेको छ।

सिन्धुली हरिहरपुर गाउँपालिका–१ स्थाई घर भई भक्तपुर मध्यपुर थिमि नगरपालिका–१ मनोहरा–जडीबुटीमा गेष्ट हाउस सञ्चालन गर्दै आएका ३३ वर्षीय वीरबहादुर सिंतान र २५ वर्षीय सुबिलाल सिंतानलाई मानव बेचिबखिन अनुसन्धान ब्यूरोको टोलीले पक्राउ गरेको हो।

बालिकाहरुलाई पैसाको प्रलोभन देखाएर गेष्ट हाउसमा आएका ग्राहकहरूसँग शारीरिक सम्पर्क राख्न लगाएको अनुसन्धानबाट खुलेको प्रहरीले जनाएको छ। गेस्ट हाउसबाट प्रहरीले ३ जना बालिकाको उद्धार गरेको छ।

पक्राउ परेकालाई थप अनुसन्धानको लागि जिल्ला प्रहरी परिसर भक्तपुर पठाइएको छ।