चीन भ्रमण सकेर उपसभामुखसहितकाे टाेली स्वदेश फर्कियाे
स्वदेश फर्केपछि उपसभामुख राणाले भ्रमण उपलब्धीमुलक भएको बताउँदै तिब्बतमा पर्यावरण, कला तथा संस्कृतिको संरक्षण र दिगो बिकासका लागि भैरहेका प्रयासहरुबाट धेरै कुरा सिक्न जरुरी रहेको उल्लेख गरिन्।
काठमाडौं, असार २४ : प्रतिनिधिसभाका उपसभामुख इन्दिरा राना मित्रराष्ट्र चीनको सात दिने औपचारिक भ्रमण सम्पन्न गरी सोमबार स्वदेश फर्किएकी छिन्।
उपसभामुख राना चीनको स्वशासित क्षेत्र तिब्बतमा आयोजित चौथो चाइना सिजाङ ट्रान्स–हिमालयन फोरममा भाग लिएर स्वदेश फर्किएकी हुन्।
स्वदेश फर्केपछि उपसभामुख राणाले भ्रमण उपलब्धीमुलक भएको बताउँदै तिब्बतमा पर्यावरण, कला तथा संस्कृतिको संरक्षण र दिगो बिकासका लागि भैरहेका प्रयासहरुबाट धेरै कुरा सिक्न जरुरी रहेको उल्लेख गरिन्।
भ्रमणका क्रममा उपसभामुखले असार २० गते उक्त फोरमलाई सम्बोधन गरेकी थिएन। भ्रमण टोलीमा प्रतिनिधि सभाका सदस्य सुहाङ नेम्बाङ तथा उपसभामुखका स्वकिय सचिव कुमार नेपाली समेत सहभागी थिए। फोरममा भाग लिन माननीय उपसभामुखको भ्रमण टोली यही असार १८ गते त्यसतर्फ प्रस्थान गरेको थियो।
यसैगरी फोरममा सहभागी हुन चीन जानुभएका राष्ट्रिय सभाका निर्वतमान अध्यक्ष गणेशप्रसाद तिमिल्सिना पनि सोमबारै स्वदेश फर्किएका छन्। उनले फोरममा सम्बोधन गर्नुका साथै चिनियाँ कम्युनिस्ट पार्टी सिचाङ स्वायत्त क्षेत्र (तिब्बत)का पार्टी सचिव वाङ चुनचङसँग भेटवार्ता पनि गरेका थिए।
