मधेशका मुख्यमन्त्रीलाई एमालेले विश्वासको मत दिने

धनुषा, असार २१ : मधेश प्रदेशले मुख्यमन्त्री सतिशकुमार सिंहलाई नेकपा एमाले विश्वासको मत दिने भएको छ।

शुक्रबार बसेको एमाले मधेश प्रदेश संसदीय दलको बैठकले जनमत पार्टीबाट मुख्यमन्त्री बनेका सिंहलाई विश्वासको मत दिने निर्णय गरेको हो।

यस्तै, बैठकले बजेटमा भएको त्रुटि संशोधन गरेर अगाडि बढ्ने र नयाँ सत्ता गठबन्धनअनुसार सरकारमा सहभागी हुने विषयमा छलफल भएको एमालेले जनाएको छ।

मुख्यमन्त्री सिंहले प्रदेशसभाबाट शनिबार विश्वासको मत लिँदैछन्।