काठमाडौं–तराई/मधेस द्रुतमार्गको लेनडाँडा सुरुङमार्गको ब्रेकथ्रु
नेपाली सेनाको व्यवस्थापनमा निर्माणाधीन आयोजनाको सुरुङमार्ग छिचोल्ने कार्यको प्रधान सेनापति प्रभुराम शर्माले भर्चुअलमाध्यमबाट अवलोकन गरेका थिए।काठमाडौं, असार २० : काठमाडौं–तराई/मधेस द्रुतमार्ग आयोजनाअन्तर्गत मकवानपुरको बकैया र गढी गाउँपालिकामा निर्माणाधीन लेनडाँडाका दुईमध्ये एउटा सुरुङमार्ग छिचोलिएको छ।
कूल एक हजार छ सय १२ मिटर लम्बाइको निजगढबाट काठमाडौंतर्फ आउने सुरुङमार्ग आज ब्रेक थ्रु भएको हो।
नेपाली सेनाको व्यवस्थापनमा निर्माणाधीन आयोजनाको सुरुङमार्ग छिचोल्ने कार्यको प्रधान सेनापति प्रभुराम शर्माले भर्चुअलमाध्यमबाट अवलोकन गरेका थिए।
उनले तोकिएको समयमै सुरुङमार्गको ब्रेक थ्रु भएकोमा खुसी व्यक्त गरे। उनले नेपाल सरकारबाट नेपाली सेनालाई प्राप्त यस राष्ट्रिय गौरवको आयोजना निर्माणमा खटिनुभएका सम्पूर्ण निकाय तथा व्यक्तिलाई धन्यवाद पनि दिए।
उनले आयोजनामा कार्यरत व्यक्तिहरूको लगनशीलता, मेहनत र कार्य दक्षताको प्रशंसा गर्दै तोकिएकै समयमा आयोजना सम्पन्न गर्न समेत निर्देशन दिए।
प्रकाशित मिति: १९:२४ बजे, बिहीबार, असार २०, २०८१
प्रतिक्रिया दिनुहोस्
थप समाचार
![जनताको जिउधनको रक्षाका लागि राज्यको सम्पूर्ण तागत लगाउन प्रधानमन्त्रीको निर्देशन](https://kathmandupress.com/uploads/posts/550X700/pm-1720353621.jpg)