बालुवाटारमा प्रधानमन्त्री दाहाल र ओलीबीच भेट

काठमाडौं, असार १७ : नेकपा एमाले अध्यक्ष केपी ओली प्रधानमन्त्री पुष्पकमल दाहाललाई भेट्न बालुवाटार पुगेका छन्। ओली केही समयअघि बालुवाटार पुगेका हुन्।

सोमबार राति नेपाली कांग्रेस र नेकपा एमालेका बीचमा राष्ट्रिय सहमतिको सरकार बनाउने सहमति भएको थियो।

कांग्रेससँगको समझदारीबारे जानकारी गराउन अध्यक्ष ओली बालुवाटार पुगेका हुन्।

आजै एमालेले दिउँसो ३ बजे सचिवालय बैठक बोलाएको छ। माओवादी केन्द्रको पदाधिकारी बैठक पनि केही बेरमा सुरू हुने प्रधानमन्त्रीको सचिवालयले जानकारी दियो।