‘सतीदेवी’को गीत ‘लैजा दैव फिर्ता लैजा’ सार्वजनिक [भिडियाे]

काठमाडाैं, असार ७ : साउन ४ गतेबाट प्रदर्शनमा आउन लागेको फिल्म ‘सतीदेवी’ पहिलो गीत ‘लैजा दैव फिर्ता लैजा’ सर्वाजनिक भएको छ।

लक्ष्मण सुवेदीको लेखन, निर्देशनमा बनेको फिल्मको गीत ‘लैजा दैव फिर्ता लैजा’ ओएसआर डिभिजनमार्फ सर्वाजनिक भएको हो। ममता गुरुङको स्वरमा रहेको गीत निर्देशक सुवेदीले नै लेखेका हुन् भने संगीत सुवास भुसालको छ।

गीतमा पुरुषोत्तम सुवेदीको एरेन्ज छ भने मिक्सिङ र मास्टरिङ अशोक महर्जनले गरेका छन्।

फिल्म छोरी भएर पनि छोरासरह उभिएर परिवारलाई जोगाउन र सम्बर्द्धन गर्न भूमिका खेल्ने पात्रको कथा बनेको छ । फिल्ममा मुख्यपात्रका रुपमा अभिनेत्री मलिका महत छन्। फिल्ममा गरेको अभिनयबाट मलिका तारिफ पाइरहेकी छिन्।

फिल्ममा मलिकासहित हर्षिका वली, मञ्जिला बानियाँ, सन्दीपबाबु लोहनी, रमेश बुढाथोकी, कुलबहादुर अधिकारी, भोलाराज सापकोटा लगायतको अभिनय छ ।

प्रदर्शनअघि नै फिल्मले दक्षिण एसियाली सौराहा फिल्म फेस्टिभल र सेलिब्रेटी नेपालले आयोजना गरेको ग्रामीण फिल्म फेस्टिभलमा अवार्ड जितेको छ।