नेविसंघले काठमाडौं विश्वविद्यालयमा थाल्यो अनसन
लामो समय सम्मको छलफल र सहमतिको बाबजुत समस्या समाधानको प्रक्रियालाई प्राथमिकतामा नराखी मनोमानी ढङ्गले विश्वविद्यालयका सम्बेदनशील अङ्गहरु चलेको हुनाले रिले अनसन सुरु गरिएको हो।![नेविसंघले काठमाडौं विश्वविद्यालयमा थाल्यो अनसन](https://kathmandupress.com/uploads/posts/655878f7-f858-4445-b290-cafc93761d7f-1717481616.jpg)
काठमाडौं, जेठ २२ : नेपाल विद्यार्थी संघ काठमाडौं विश्वविद्यालय कार्यसमितिले काठमाडौं विश्वविद्यालयमा भएका अनियमित एवम् अमर्यादित कार्यको विरुद्ध लामो समयदेखी विज्ञप्तिमार्फत ध्यानाकर्षण गराउँदै आए तापनि विश्वविद्यालय प्रशासनले कुनै किसिमको समाधान गर्ने बाटो नखोजेकोले नेविसंघले रिले अनसन सुरु गरेको छ।
लामो समय सम्मको छलफल र सहमतिको बाबजुत समस्या समाधानको प्रक्रियालाई प्राथमिकतामा नराखी मनोमानी ढङ्गले विश्वविद्यालयका सम्बेदनशील अङ्गहरु चलेको हुनाले रिले अनसन सुरु गरिएको हो।
काठमाडौं विश्वविद्यालयमा भएका चरम लापरवाही विरुद्ध नेपाल विद्यार्थी संघ विश्वविद्यालय तथा विद्यार्थीहरुको हितका लागी विभिन्न समस्या तथा मुद्धाहरु लिएर प्रशासन समक्ष उपस्थित हुदाँ बेमतलबी तथा आफुखुसी मात्र प्रशासन सञ्चालनमा लेराउन खोजेको कदमप्रती विरोध जनाउँदै र्याली निकालेर अनसन सुरु गरीएको नेपाल विद्यार्थी संघका अध्यक्ष गणेश थापाले जानकारी दिए।
नेपाल विद्यार्थी संघ काठमाण्डौ विश्वविद्यालय कार्यसमितिका सचिव सुघोष ढुङ्गेल, सचिव प्रशान्त कडेल, नेविसंघले काभ्रे जिल्ला उपाध्यक्ष सौरभ थापा, नेविसंघ काठमाण्डौ विश्वविद्यालय स्कूल अफ इन्जिनियरिङका अध्यक्ष नोएल भट्टराई लगायतका विद्यार्थी नेताहरुको अगुवाइमा रिले अनसन सुरु गरिएको हो।
![कांग्रेस बदनाम हुनथाल्यो, बीपीको सिद्धान्त आत्मसाथ गर्न छाडियो : सुजाता कोइराला](https://kathmandupress.com/uploads/posts/550X700/Sujata-Koirala-1722062828.jpg)